الجمعة، 31 يوليو 2009

البوم صور ازياء منوعة المحجبات
































مجموعة من الخواتم الغريبة, وغير الروتينية
















تألقي باللون البنفسجي .. صور لملابس واكسسوارات




































"الشفايف" عنوان الأنوثة

لأسف فيه بنات كتير بتدي اهتمام كبير أوي للعناية بالبشرة، وتهمل تماماً منطقة الفم والشفايف، مع إن منطقة الفم وخصوصاً الشفايف من أكتر الحاجات اللي بتبين أنوثتك وتألقك.

دلوقت هاقول لكِ على الخطوات اللي لازم تعمليها علشان تحصلي على شفايف كلها أنوثة وسحر..


- 1 -
إزالة الشعر


لازم تنظفي الأماكن أعلى وأسفل الشفاه وتخليها خالية من الشعر، وممكن تستعملي الشمع أو الفتلة لإزالة الشعر مرة في الأسبوع أو كل أسبوعين ولو جلدك حساس ممكن تعملي إزالة للشعر نهائياً بالليزر.

بس بلاش تستعملي ملقاط الحواجب لإزالة الشعر؛ لأن ده بيثير منابت الشعر جداً وبيخلي الشعر يطلع بسرعة وكمان بيوسع المسام، وكمان بلاش تستعملي السويت؛ لأن الطريقة دي بتسبب ظهور التجاعيد المبكرة حول الفم.


- 2 -
خلي شفايفك تتنفس


الشفايف زي أي مكان في الجسم ليها مسام والمسام دي لازم تتنفس بحرية، وخصوصاً أثناء الليل علشان كده لازم تنظفي شفايفك من أحمر الشفاه بمزيل الماكياج وده بإنك تمسحيه بمنديل وبعدين بتاخدي قطنة وتحطيها في لوسيون أو أي تونك منعش عندك وتمسحي به شفايفك بعد ما نظفتيها.


- 3-
تخلّصي من الرؤوس السوداء


لو عندك رؤوس سوداء حول الفم أو على الشفايف نفسها يبقى لازم تعملي لها إزالة عند أي مركز تجميل مرة كل شهر.

ودي طريقة سهلة علشان تعملي إزالة للرؤوس السوداء بنفسك في البيت... كل اللي عليكِ إنك تعملي حمام بخار للوجه وبعد كده تبدئي تضغطي على كل الرؤوس السوداء بمنديل أو قطنة لغاية ما تخرج كلها، بس من غير ما تضغطي عليها جامد علشان ممكن تسيب علامة مكانها وبعد كده نظفي حول الشفاه بمطهر وبعد كده بالكريم المرطب، وآخر حاجة تحطي لوسيون أو تونك.

لكن لو كان عندك حمو نيل أو حبوب يبقى الأحسن إنك ما تعمليش الطريقة دي علشان الحبوب ممكن تزيد.


- 4 -
تخلّصي من الجلد الزائد


علشان تتخلصي من الجلد الزائد اللي بيظهر على الشفايف يبقى لازم تستخدمي زبدة كاكاو أو البلسم المليّن للشفاه يومياً علشان تحتفظي برطوبتهم الطبيعية.

ودي كمان طريقة سهلة جداً ممكن تعمليها وهي إنك تفركي شفايفك بمكعب ثلج أو كريم سنفرة للشفايف.


- 5 -
استعملي كريمات العناية بالشفايف



يعتبر كريم العناية بمحيط الشفايف من الحاجات اللي بتحميه من العوامل الخارجية زي الشمس والهوا والتراب، وكمان بينعش الخلايا المحيطة بالفم ويجددها ويعطي الشفاه مظهر ممتلئ، وكمان بيعالج التجاعيد علشان كده لازم نستخدمه كل يوم وخصوصاً على البحر، بإنك توزعي الكريم على شفايفك والمنطقة اللي حول الشفايف وتضغطي عليها بصوابعك بس خلي بالك إن الكريم لازم يكون بدرجة حماية 15% على الأقل.

والكريمات دي بتكون موجودة في الصيدليات ومحلات مستحضرات التجميل ودي بعض الماركات اللي ممكن تشتري منها الكريمات دي "كريستيان ديور" و"نيفيا" و"شانيل" و"لانكوم" و"كلارنس".


ــ 6 ــ
تجنّبي تشقق الشفايف


لازم تعرفي إن الشفايف دي منطقة رقيقة جداً في الوجه ولا تحتوي على أي دهون أو غدد، وعلشان كده هي عرضة دائماً للتشقق والجفاف نتيجة لتأثّرهم بالجو وعوامل أخرى زي...


- التدخين.

- سوء التغذية.

- الضغوط النفسية.

- التعرّض للشمس لفترة طويلة.

- مص الشفايف باللسان باستمرار.

- استعمال أحمر شفاه من ماركة رديئة.


وعلشان تتجنبي مشكلة تشقق الشفايف يبقى لازم تتجنبي كل العوامل اللي فاتت دي، ودي وصفات طبيعية وسهلة لعلاج تشقق الشفاه...


زيت اللوز الحلو وزيت الورد.. ادهني شفايفك 3 مرات يومياً بزيت اللوز الحلو أو بزيت الورد.

ماء الورد.. ممكن ترطبي شفايفك كل يوم بقطنة مبلولة بماء الورد.

زيت الزيتون أو الفازلين.. ممكن تدفي كمية صغيرة جداً من زيت الزيتون أو الفازلين بإنك تحطيهم على معلقة صغيرة وتقرّبيهم من النار لمدة 5 ثوانٍ، وتدهني شفايفك بيهم قبل ما تنامي.

أحمر الشفاه.. اتأكدي إن أحمر الشفاه بتاعك نوعه كويس ويحتوي على فيتامين E.


ــ 7 ــ
استشيري دكتور لو


فيه أمراض ممكن تأثر على الشفايف زي..

الحساسية.. ودي بتحصل لبعض الناس في مواسم معينة زي الشتاء أو الخريف.

الحبوب.. اللي بتظهر على الشفايف؛ بسبب ارتفاع درجة حرارة الجسم أو بعض الأمراض في المعدة.

في الحالات دي أنا بانصح إنك لازم تستشيري دكتور متخصص في الأمراض الجلدية علشان يديكِ العلاج المناسب، ولغاية ما تعالجي المشكلة دي لازم توقفي استعمال أحمر الشفاه تماماً، وكمان تتجنبي التعرّض للشمس لفترات طويلة؛ لأن الشمس بتزوّد الحبوب والحمو نيل، ولو هتخرجي في الشمس يبقى لازم تستعملي كريم حماية من الشمس.

مستحضرات تمنح بشرتك لوناً برونزياً طبيعياً مع الحماية والتلطيف

إليك 5 مستحضرات لإكساب وجهك لوناً برونزياً بصورة طبيعية.


إنتهت تلك المستحضرات التى كانت تتسم برائحة كريهة والآن اصبحت مستحضرات اللون البرونزى التى سنطرحها عليك سهلة الاستخدام وتكسب بشرتك اسمراراً طبيعياً إلى حد كبير


1- اسمرار + تغذية

تكتسب البشرة نضارة وإشراق عن طريق هذه التركيبة التى تحتوى على زيوت نباتية (جوز الهند- القرطم- زيت البلح) مغذية ومنعمة للبشرة، وكذلك بخلاصة زهرة البرتقال الملطفة.

وبمزيد من الـ DHA فى جيله الجديد والـ erythrulose (مادة صابغة) الكاكاو والبرتقال وذلك لضمان الحصول على بشرة برونزية موحدة ومتزايدة

- جربى :Hale Progressif Visage et Corps Sun Result من Lierac .

2- اسمرار + حماية
تركيز مضاعف بمزيج من انزيمات Q10، هذه التركيبة تتغلب على التجاعيد والخشونة، وتنعم التجاعيد العميقة بتنشيط إسمرار البشرة بشكل متزايد طبيعى جدا.

بفضل نظام تنقية مضاد للأشعة فوق البنفسجية anti– UV، يمكنك مواجهة أشعة الشمس الصيفية دون التعرض لمخاطر الإصابة بضربات شمسية.

- جربى:Soin de Jour Anti- Rides Summer Beauty Q10 Plus من Nivea Visage.

3- اسمرار + تلطيف
بتركيبتة المقاومة للحساسية والتى لا تتسبب فى انسداد مسامات البشرة (non- comedogene) عند استخدام الماء الدافئ من Avene تسمح لكل أنواع البشرة وحتى الشديدة الحساسية بالحصول على لون برونزى لامع فى أقل من ساعة بفضل تركيبتة من اللبن الغير دهنى والذى يتخلل البشرة سريعا ويمكن دهانه بسهولة فائقة.

- جربى :Autobron-zant Hydratant Visage et Corpsمن Avene.

4- اسمرار + رزاز
بفضل تكنولوجيا " airbrush" التى تصدر قطرات صغيرة جداً دون أن تبلل الجلد، هذا الضباب له مفعول السحر. اغلقى عينيك وقومى بالرش على مسافة 40 سم من الوجه مع الدوران. سوف تحصلين على لونا برونزيا مذهباً رائعاً كما لو قضيت يوما فى الشمس.

- جربى: Brume Seche Autobronzant Sublime Bronze Automatic من L’Oreal Paris.

5- الاسمرار بسرعة البرق
بمسحة قليلة من المستحضر المستخلص من الكاكاو ومضاف إليه تركيبة قوية من فيتامين E المركز للغاية بـ DHA والـ erythrulose، ستحصلين على بشرة صيفية برونزية خلابة فى لمح البصر.

بالإضافة لميزة أخرى: استخدام القطنة فى توزيعه يحول دون عدم الاتساق. مثالى لغير الماهرات والذين يهابون وضع كريم البرونزاج

- جربى: Concentre Teinte Auto-Bronzant Intense Visage et Decollete من Clarins.

نصيحة: للحصول على نتيجة أكثر اشراقا. قومى بعمل صنفرة لبشرتك فى الليلة السابقة لوضع مستحضر اللون البرونزى وذلك للتخلص من الخلايا الميتة وتصغير حبيبات البشرة.

ضعى المستحضر بطبقة متساوية على الوجه، الرقبة وأعلى الصدر مع تجنب جذور الشعر والحواجب. اغسلى يديك فور الانتهاء من وضع المستحضر.

اعلمى: أن مستحضرات اللون البرونزى لا تقى من الاشعة فوق البنفسجية إلا إذا كان مكتوب على العبوة SPF.

Popular Posts