تألقى

قلم الكحل من أهم أدوات الماكياح المستخدمة في ماكياج العيون، لأنه من أكتر الحاجات اللي بتبين جمال العين، وكمان فيه بنات كتير بتكتفي بالكحل وهي خارجة رايحة الجامعة أو الشغل...

إزاي تشتري قلم كحل كويس؟!

بصي يا ستي من أهم مواصفات قلم الكحل الكويس إنه يكون طري جدا؛ لأنه بيكون داخل عينيكي وفوق عينيكي ودي مناطق حساسة جداً، علشان كده يا ريت إنك تجربيه على إيديكي قبل ما تشتريه، لأن أحسن نوع كحل كويس هو اللي بيكون طري وبيعمل لون تقيل على الإيد، ويا ريت كمان إنك تشتريه من مكان مضمون وموثوق

أقلام الكحل بألوان متعددة

دلوقتي بقى فيه أقلام كحل بألوان كثيرة أوي غير الأسود والبني؛ فممكن إنك تلاقي ألوان زي الأخضر والموف والفضي والذهبي، يا ريت تحرصي إن الألوان دي تكون موجودة عندك، وده لأنك ممكن تحتاجي ليها علشان ترسمي عينيكي بألوان مناسبة لألوان ملابسك، وخدي بالك إنك تحطي الألوان الغامقة فوق عينيكي لإن الألوان الفاتحة بتخلي العين تظهر بشكل باهت.

إزاي ترسمي عينيكي بالكحل؟!

فيه بنات كتير أوي بتلاقي صعوبة في رسم عينيها بقلم الكحل مع إنه سهل جداً، والطريقة الصحيحة والسهلة علشان ترسمي عينيكي بالكحل هي إنك تحطي مراية صغيرة تحت عينيكي علشان تقدري تشوفي رسمة العين من فوق، وتمشي بالقلم من أول العين لآخرها ويا ريت تدخلي بيه كمان على خط الرموش لإن أحياناً بيكون أسفل خط الرموش فاتح، وده بيعمل شكل مش حلو، ومش لازم تحددي عينيكي كلها يعني من فوق بتحدديها كاملة ومن تحت على حسب شكل عينيكي.

وعلى فكرة كل عين ولها رسمة معينة تظهر جمالها؛ فمثلا لو...

• عينيكي صغيرة

يبقى تحدديها من فوق كلها بالكحل ومن تحت بتحدديها بخط رفيع جداً يبدأ من نص العين إلى الخارج، وممكن ترسمي داخل عينيكي بلون فاتح زي الأبيض أو الرمادي أو الأوف وايت، والطريقة دي بتدي شكل أوسع للعين.

• عينيكي واسعة

يبقى تحطي الكحل من فوق وعلى الرموش وداخل العين، وكمان ممكن تحطي تحت الرموش خط أسود أو رمادي ،والطريقة دي هي أحسن طريقة علشان تعالجي مشكلة العين الواسعة أو البارزة.

وفيه ناس كتير مش بيحبوا إنهم يحطوا كحل تحت العين؛ لكني بانصحهم بإنهم يحطوا الكحل تحت وداخل العين لإن ده بيدي نظرة عميقة ومشرقة وبيوسع العين، وكمان ممكن تستخدمي فرشاة صغيرة مع قلم الكحل علشان تحصلي على الشكل الدخاني، وده بيخلي العين شكلها حلو أوي وبيعمل نظرة جذابة للعين وشكله مش بيكون باين إنه قلم صريح.

وفي النهاية أحب أقول لك إنك ممكن تتغلبي على مشكلة إن الكحل بيسيح بإنك..

تحطي كونسيلر أو كريم أساس أو بودرة مضغوطة تحت الرموش على طول، وبعدين ترسمي عينيكي بقلم الكحل، وبعد كده تسيّحي البودرة بفرشاة علشان شكلها ما يبقاش صريح أوي ودي أحسن طريقة علشان تحطي الكحل من غير ما يسيح.

أكيد أنت عارفة إن الآي شادو مهم جدا في ماكياج العيون، وده لأنه لو استخدم بالطريقة الصح هيدي إضاءة وإشراقة وعمق للعين... علشان كده هنعرف مع بعض النهارده كل حاجة عن الآي شادو، علشان نعرف إزاي إننا نستخدمه بالطريقة الصح...

يلا نعرف مع بعض

للآي شادو أنواع متعددة!!

فيه أنواع كتيرة للآي شادو وكل نوع من الأنواع دي بيختلف عن الثاني، وله وقت معين للاستخدام فهتلاقي...

الآي شادو المطفي أو المط

مناسب أكتر في ماكياج الصباح؛ لأنه بيدي إطلالة كلاسيكية بسيطة للعين.

الآي شادو اللامع

مناسب في ماكياج السهرات، وممكن تحطيه أسفل الحواجب، علشان تدي إضاءة للمنطقة دي.

الآي شادو السائل أو المائي

مناسب أيضا في ماكياج السهرات، بس عيبه الوحيد إنك مش بتقدري تتحكمي فيه من عند الجوانب، ومحتاج حد عنده خبرة كبيرة في وضع الماكياج.

إزاي ترسمي عينيكي بالآي شادو؟!

مش لازم تحطي آي شادو كتير أو الوان كثيرة فوق الجفون؛ لكن ممكن تستخدمي لونين اتنين وبس؛ لون فاتح ولون غامق وتحصلي على رسمة في منتهي البساطة والجمال، كمان ممكن تدمجي اللونين مع بعضهم علشان تعملي تدريج في الألوان...

وعلى فكرة اختيار ألوان الآي شادو راجع للون العين ولون الشعر ولون اللبس وأيضاً المناسبة، وعلشان يكون الماكياج ناجح ويكون الشكل جذاب ومبهر لازم تحددي كل الحاجات دي قبل وضع الآي شادو.

إزاي تختاري الآي شادو المناسب للون عينيكي؟!

فيه ألوان كتيرة جداً للآي شادو، واختيار اللون المناسب بيكون على حسب لون عينيكي؛ فلو كنت صاحبة...

• عيون زرقاء

هتلاقي إن أكتر الألوان المناسبة ليكي هي الألوان الغامقة زي الأسود والرمادي والأزرق، ولو عايزه تفتحي اللون شوية ممكن تستخدمي الروز والأبيض وممكن البني اللي بيكون مائل للذهبي شويه وممكن تحطي الأبيض اللامع أسفل الحواجب.

• عيون خضراء أو عسلية

هتناسبك البنيات كلها والبيج والبرونزي والأبيض والنحاسي والأخضر والألوان دي بتعمل ميكس حلو أوي مع العين الخضراء.

• عيون سوداء أو بني غامق

هتناسبك كل ألوان البنيات بدرجاتها المختلفة والرمادي والأسود، وأيضاً البيج والذهبي والأبيض والأوف وايت، وكمان البرتقالي مع البنيات هيكون حلو جداً.

إزاي تختاري الآي شادو المناسب لشكل عينيكي؟!

كل عين ولها ألوان آي شادو مناسبة؛ فمثلا...

• العين الضيقة

يناسبها الألوان الناعمة والفاتحة من الآي شادو وبكمية قليلة لإن كل ما كمية الآي شادو بتزيد كل ما تظهر العين بشكل أصغر.

• العين الواسعة

أما العين الواسعة والبارزة فبيناسبها ألوان غامقة وبكميات أكبر وبالشكل ده هتقلل شوية من بروز العين.

إزاي تستخدمي الآي شادو في معالجة عيوب الوجه؟!

فيه عيوب ممكن تكون موجودة في الوجه زي مثلا إن المسافة بين زاوية العين الداخلية وعظمة الأنف صغيرة يبقي في الوقت ده هتحطي لون غامق عند الزاوية الخارجية للعين، وتسحبيه شوية لبره علشان تحصلي على شكل أوسع لعينيكي، أما لو كانت المسافة بين الزاوية الداخلية للعين وعظمة الأنف كبيرة يبقي هتحطي اللون الغامق من عند بداية العين علشان تقللي شوية المسافة بينهم.

إزاي ترسمي عينيكي في المناسبات؟!

لو كان عندك مناسبة وعايزة ترسمي عينيكي بشكل كويس باستخدام الآي شادو، يبقي هتحتاجي أربع ألوان وهم...

-1-

اللون الأول: وبيكون لون محايد وبيوضع على كامل الجفن.

-2-

اللون الثاني: وده بيكون للون الأساسي، وبيكون لون اللبس أو اللون اللي إنتي عايزاه، ويوضع على منطقة الجفن من النصف وهي مثل الـbanana .

-3-

اللون الثالث: بيكون درجة أغمق بتزودي بيها الزاوية الخارجية، وبتحطيه على شكل خط رفيع فوق العين، وبعدين تطلعيه للخارج إلى آخر فتحة العين، وتخليه قريب جداً من الرموش، وعلشان تعملي شكل حلو كمان ممكن تسيبي الخط الرفيع فوق العين من غير ما تسيحيه؛ لكن لو كانت عينيكي ضيقة يبقي حاولي إنك تعملي تمويجه بالآي شادو الغامق، وممكن كمان تحطي اللون الغامق على الرموش السفلية بفرشة رفيعة جداً من منتصف العين إلى خارج العين والطريقة دي بتدي شكل أحلى وأوسع للعين.

-4-

اللون الرابع: وبيكون أبيض أو أوف وايت، ويوضع أسفل الحواجب لكي يعطي نظرة مشرقة للعين.

إزاي أعمل ميكس بين ألوان الآي شادو؟!

ما فيش قاعدة عامة في الألوان لكن فيه بعض الألوان بتعمل تناغم حلو أوي مع بعضها وبتدي انطباعات مختلفة للعين زي مثلاً...

الأسود Smokey eyes مع الألوان الفاتحة تحت الحواجب بيعمل لمسة جريئة للعين.

اللون الرمادي لون باهت شويه، علشان كده مش لازم تكثري منه لكن ممكن تدمجيه مع الأبيض أو البيج أو البني.

اللون الأصفر بيدي إضاءة وممكن تستخدميه مع الألوان الترابية.

الآي شادو الأخضر بلاش تحطيه لوحده لإنه بيعطي نظرة باهته للعين لكن بيكون حلو أوي مع البني أو الأسود أو البرتقالي أو الذهبي.

اللون الأزرق لون جميل والعين بتحبه؛ لكن من الأفضل إنك تدخليه مع لون تاني زي الأبيض أو الرمادي، وأيضاً ممكن تمزجيه مع الأسود علشان يديكي درجات الأزرق الغامق، وبيكون حلو أوي، وهو موضة هذا العام، واللونين دول مع بعض أساسيين في الماكياج الخليجي.

اللون الذهبي أو الأوف وايت أو البيج بيضفي نور على الجفن وممكن تمزجيه مع الألوان الغامقة لإنه بيدي شكل تحفة.

الألوان اللامعة ممكن تستخدميها تحت الحواجب أو عند زاوية العين من الداخل لإنها بتعمل إشراقة حلوة أوي بس بلاش تحطيها على الجفن نفسه لإن الشكل مش هيبقى حلو.

ماسك لتفتيح لون الوجه والرقبة وكذلك اليدين والقدمين أو أية منطقه غامقة بالجسم:
هذا الماسك يعد بمثابة هدية حقيقية وخاصة للبشرة الحساسة من أى كريمات أو ماسكات
المقادير:
3 موزات (قشور فقط).
2-بطاطا مسلوقة بقشرها.
3-كوب حليب طازج.
4-نصف ليمونة بقشرها.

=

طريقة الإعداد:
خذى قشور الـ3 موزات والبطاطا المسلوقة بقشرها ونصف الليمونة بقشرها والحليب وضعيه فى الخلاط، إلى أن يصبح لونه مثل ماترين في الخلاط ومع مرور الوقت

راح يبقى يتحول لونه الى بني فاتح لان الموز يتأكسد
خذيه وضعيه فى علبة زجاج ثم ضعيه بالثلاجة وخذى من

ه ما يكفى وجهك ورقبتك ويديك وقدميك أو جسمك كله،
وافركيه جيدا أثناء وضعه، ثم اتركيه لمدة نصف ساعة

، إلى أن يجف، ثم أزيليه بعد ذلك بالتقشير باليد أو بالماء البارد.

ماسك مرطب للوجه والرقبة:
المقادير:
خميرة البيرة – قليل من الحليب – قليل من زيت الزيتون – عسل – زبادى.

+

+

+

+

ماسك خاص بالرقبة:
المقادير:

- زلال البيض - عصير ليمون أو برتقال – نقطتان زيت زيتون – ملعقتان عسل.

وبشكل عام يجب التعامل مع البشرة والرقبة كجزء واحد، أى أنه يجب وضع أى كريم أو ماسك للبشرة على الرقبة أيضا،
للوصول إلى إطلالة أكثر تناسقاً وتألقاً، وكذلك يجب وضع الكريمات، وخاصة كريم الوقاية من الشمس على جميع أجزاء الجسم المعرضه لأشعة الشمس.

مجهود خاص ومن تجمعي وكل الوصفات مجربة من قبل

اتمنى ان تجربوها وادعوا لي

نصيحة:اي وحدة تحب تجرب اي وصفة لازم تستعملها مرتين في اليوم مرة قبل النوم

ومرة في الصباح بعد الاستيقاظ من النوم ولازم وصفة وحدة بس

لاتخلطوا جميع الوصفات في ان واحد ولكي تظهر لكم النتيجة على الاقل اسبوع

متوالي وبالتوفيق للجميع