وصفات طبيعية.. لو بشرتك دهنية!

إزاي تتعرفي عليها؟!


في اختبار ممكن أي بنت وهي قاعدة في البيت تعمله علشان تعرف إذا كانت بشرتها دهنية أم لا، وهي إنها تجيب كلينكس "منديل ورق" وتحطه على بشرتها لمدة خمس دقائق، لو لقيت إن المنديل فيه زي بقع دهنية يبقى كده بشرتها دهنية..

كمان تقدري تتعرفي عليها من خلال مظهرها العام، فلو بصيتي في المرايا هتلاقيها بتلمع، وممكن تلاقي فيها شوائب بعد 3 أو 4 دقائق من التنظيف... وممكن تلاقي دهون على الجبين والذقن والأنف "منطقة التيزون"، بالإضافة إلى أن المسام المفتوحة بتبقى في الأنف وكمان في الخد... كمان البشرة الدهنية بتتميز بظهور حبوب على الخد والذقن والجبين بشكل مفاجئ.


إزاي تهتمي بيها؟!


البشرة الدهنية محتاجة إلى عناية من نوع خاص، وده عن طريق تنظيفها كل يوم 3 مرات على الأقل بصابون طبي زي "ديتول" أو صابونة "كبريت"، ويُفضّل إنك قبل ما تنامي تغسليها بماء ساخن، وتجففيها كويس بس خلي بالك إنك تجففيها براحة جداً، وبلاش تستعملي كريمات مرطبة بتحتوي على نسبة عالية من الدهون؛ لأن الكريمات دي بتساعد على زيادة الحبوب، ويا ريت تستخدمي ماسكات طبيعية علشان تتخلصي من أي مشاكل ممكن إنها تظهر في بشرتك، ومن ضمن الماسكات اللي ممكن إنك تعمليها في البيت..

1- غسول النعاع الأخضر

ده غسول مفيد جداً للبشرة الدهنية بيساعد على تخليصها من الحبوب اللي ممكن إنها تظهر فجأة...

المكوّنات:

• ورق نعناع أخضر
• عصير برتقال
• عصير ليمون
• عصير خيار
• ماء الكرنب.. "وده بتحضريه بإنك بتسلقي الكرنب في شوية ميه، وتاخدي الميه دي وتستعمليها في الماسك".

الطريقة:

اغلي ورق النعناع في لتر ماء، وبعد كده ضيفي إليه عصير البرتقال وعصير الليمون وعصير الخيار وماء الكرنب... واغسلي بشرتك بالغسول ده كل يوم بعد ما تاخدي حمامك اليومي، وبعد مرور 3 أو 4 دقائق من استخدامه تشطفي بشرتك بالماء الفاتر.

2- ماسك الخميرة لشد البشرة الدهنية

ده ماسك حلو أوي بيعمل على شد البشرة الدهنية، ومكوّناته بسيطة جدا وهتلاقيها عندك في البيت...


المكونات:

• 2 معلقة كبيرة خميرة بيرة
• 2 معلقة كبيرة لبن فاتر
• 1 معلقة كبيرة زيت لوز حلو "متوفر عند العطار"


الطريقة:

اخلطي كل المكوّنات دي مع بعضها، وبعد كده افردي الماسك على بشرتك، وسيبيه لمدة 10 دقائق، وبعد كده اشطفي بشرتك بالماء الفاتر، ممكن إنك تعملي الماسك مرتين في الأسبوع.


3- ماسك الصلصال للمسام الواسعة


دايما أصحاب المسام المفتوحة بيعانوا من مشكلة المسام الواسعة، بس بعد ما يستخدموا الماسك ده هيتخلصوا من المشكلة دي نهائياً...


المكونات:

• معلقة كبيرة صلصال أبيض "متوفر عند العطار"
• معلقة كبيرة ماء زهر
• عصير برتقال
• 1/2 معلقة زيت بندق


الطريقة:

اخلطي كل المكوّنات دي مع بعضها، وبعد كده وزعي الخليط على بشرتك وسيبيه عليها لمدة 10 دقائق، وبعد كده اشطفي بشرتك بالماء الفاتر ثم البارد، استخدمي الماسك ده مرة كل أسبوع وهتشوفي الفرق بنفسك.


4- تونيك ماء الورد


التونيك ده من الحاجات المهمة أوي للبشرة الدهنية؛ لأنه بيخلصها من الشوائب والملوّثات اللي ممكن إنها تتعرض لها أثناء اليوم نتيجة التلوث، وكمان بيخلصها من الدهون الزائدة؛ لأنه بيساعد على قفل مسام الوجه، وعلى فكرة التونيك ده مش هيكلّفك حاجة خالص كل الحكاية إنك حتجيبي زجاجة ماء ورد "متوفرة عند العطار" وتستخدميها كتونيك طبيعي للبشرة.

وفي النهاية أحب أقول لك إنك لازم تهتمي بتنظيف الفرش والبدارات والاسفنجات الخاصة بالماكياج يومياً أو يوم بعد يوم بالميه والصابون وتسيبيها تنشف كويس.. وده علشان تحمي نفسها من ظهور الحبوب المفاجئة؛ لأن في أوقات كتير أوي بيكون سبب ظهور الحبوب في البشرة الدهنية نتيجة إلى تلوث أدوات الماكياج.

نصائح "نانيس سليم".. للعناية بالبشرة الجافة

تتميّز البشرة الجافة بمظهرها المشدود وملمسها الخشن شوية، وكمان بتكون مسامها ضيقة جداً، وبتظهر فيها الشعيرات الدموية أكثر من أي بشرة تانية، ومشكلة البشرة دي هي قلة إفرازها للدهون وده اللي بيخليها خشنة وحساسة جداً وبتعتبر أكثر أنواع البشرة تأثراً بالعوامل الخارجية زي التراب والحر.. علشان كده بنلاقي إن النظافة ضرورية للجلد بوجه عام..

وبالنسبة لتنظيف البشرة الجافة يُفضّل أن يتم تنظيفها بشاور جل مرطب زي "دوف"، وعلى فكرة مش لازم إنك تغسليها كل يوم بالشاور، يعني ممكن تكتفي بغسلها بالماء بس يومياً، وتغسليها بالشاور مرتين بس في الأسبوع، ويُفضّل إنك تبعدي تماماً عن استعمال كريمات التقشير، وتستعملي ماسكات طبيعية لترطيب البشرة، ومن ضمن الماسكات اللي ممكن إنك تعمليها...

ماسك الخميرة لترطيب البشرة

لو عايزة طريقة طبيعية لترطيب البشرة الجافة ممكن تعملي الغسول اللي هاقول لك عليه دلوقتي...

المكوّنات:

• 50 جم خميرة.
• ورق خس.
• عصير جزر.
• لتر ماء.

الطريقة:

اغلي الخميرة في الماء لمدة 10 دقائق، وبعدين ضيفي عليها عصير الجزر وورق الخس.. وبعد كده اغسلي وشك وجسمك بالغسول ده، وعلى فكرة ممكن تعملي الغسول ده مرتين في الأسبوع وهتشوفي الفرق بنفسك.

ماسك البطاطس لإخفاء الشعيرات الدموية

زي ما قلنا قبل كده إن البشرة الجافة بيظهر فيها الشعيرات الدموية بشكل كبير، وعلشان كده ممكن تعملي ماسك البطاطس اللي هاقول لك عليه دلوقتي؛ علشان تتخلصي من المشكلة دي نهائياً...

المكوّنات:

• ثمرة بطاطس.
• 1/4 كوب لبن.

الطريقة:

بتسلقي البطاطس وتهرسيها كويس أوي مع اللبن لغاية ما تحصلي على عجينة سايلة، وتفرديها على بشرتك وتسيبيها لمدة 15 دقيقة، وبعد كده تشطفي بشرتك بالماء الدافئ.

ماسك المشمش لنضارة البشرة الجافة


ده ماسك كويس أوي علشان تحصلي على بشرة نضرة وصافية، كل اللي عليكِ إنك تجيبي ثمرتين مشمش، أول ثمرة تهرسيها كويس والتانية تنقعيها في ماء فاتر لمدة 24 ساعة، وبعد كده تاخدي الميه اللي نقعتي فيها المشمش وتضيفيها على المشمش المهروس، وتضيفي إليهم زيت لوز حلو لغاية ما تحصلي على عجينة متماسكة، وتفردي العجينة دي على بشرتك بعد الحمام... وبعد كده تشطفي بشرتك بماء دافئ، (كرري الماسك ده مرتين في الأسبوع).


وفي النهاية أحب أقول لك إن لو بشرتك جافة يبقى لازم تخلي بالك جداً إنك تستعملي كريمات حماية ضد الشمس زي "photoderm max 100%"، علشان تحميها من الجفاف، كمان لازم تستعملي كريمات عناية وترطيب البشرة الجافة يومياً؛ لأن الكريمات دي بتحتوي على كمية كبيرة من الدهون وعناصر نشطة جداً بتخترق الطبقة الأولى من الجلد، وبيظهر تأثيرها على الجلد بعد 20 دقيقة من الاستخدام.. وفيه أنواع كريمات كويسة ممكن تستعمليها زي "مافالا" و"نيفيا فيزاج" و"لوريال" و"كريستيان ديور"

بالصور: موضة التنانير الطويله

خطوات إزالة ماكياج العيون

دلوقتي لازم تعرفي إزاي تزيلي ماكياج عينيكِ؛ لأن دي خطوة مهمة جداً عشان تحافظي على عينيكِ وتخليها دايماً مشرقة ونضرة..

وأفضل طريقة لإزالة ماكياج العيون من غير ما تحسي بحرقان في عينيكِ هي إنك تتبعي الخطوتين دول..

الخطوة الأولى
إزالة الماسكرا

وده عن طريق إنك تحضّري قطنة وتحطيها في كريم زي "نيفيا" أو "لوريال" أو "دوف" أو "فيزاج"، وتمسحي عينيكِ بالقطنة دي بطريقة دائرية من الداخل للخارج حتى لا تتساقط رموشك لغاية ما تنظفي عينيكِ تماماً من الماسكرا.

الخطوة الثانية
غسيل وترطيب العينين

بعد إزالة الماسكرا اغسلي عينيكِ ووشك بصابون زي "دوف"، وبعد كده ادهني المنطقة اللي حول العين بزيت اللوز عشان تنشّطي الدورة الدموية.

طريقة طبيعية لإزالة ماكياج العيون

ممكن كمان إنك تزيلي ماكياج العين بطريقة طبيعية تماماً وهي إما:

• إنك تدهني المنطقة اللي حول العين بنقطة فازلين ونقطة زيت زيتون، وتدلكِ المنطقة دي كويس وبهدوء، وبعد كده تحضري قطنة مبللة بماء الورد، وتمسحي بيها عينيكِ وتغسلي وشك بعد كده بالماء والصابون.

• أما لو كانت بشرتك حساسة ممكن تغسلي وشك بالشامبو الخاص بالأطفال، وبعد كده تشطفيه بماء بارد، وممكن كمان تعملي كمادات بماء الورد على عينيكِ وبعد كده تحطي كريم مرطب حول العين.

وفي النهاية أحب أقول لك على نصيحة مهمة أوي

وهي إنك لازم دايماً تشتري أحسن وأضمن حاجة خصوصاً في ماكياج العيون، وكمان لازم تتأكدي من تاريخ الصلاحية، ومهم أوي إنك تسجلي في ورقة إنتِ اشترتيهم إمتى؟! وابتديتِ تستعمليهم من إمتى بالظبط؟! لأن منطقة العيون دي حساسة جداً جداً....

ودي أحسن وأضمن الماركات في ماكياج العيون...

الآي شادو: "فلوريل"، "مادينا"، "كيرولان "، "ريمال"
الكحل: "فلوريل"، "بورجوا"، "مدينا"، "كيرولان"
الماسكرا: "بورجوا"، "ريمال"، "مدينا"
الآي لاينر: "بورجوا "، "كريستيان ديور"

وعلى فكرة كل الأنواع دي مش غالية وبتعطي نتيجة هايل

حمام العروسة.. بتكاليف بسيطة وروائح عطرية

عروسة جديدة وعلى وش جواز، يبقى أكيد نفسك إن بشرتك تكون ناعمة ونضرة مش كده وبس، ده أنتِ أكيد نفسك كمان تتخلصي من الأماكن الغامقة الموجودة في بعض أجزاء الجسم..وأكيد طبعاً عمّالة تسألي أصحابك، وكل ما تسألي حد يقول لك إن المركز الفلاني هايل وبيقدّم خدمات هايلة جداً للعرايس، بس أنتِ خايفة تروحي علشان موضوع التصوير اللي بيحصل في بعض الأماكن أو لعدم تأكدك من مستوى النظافة اللي ممكن يكون موجود هناك، بالإضافة إلى أن المراكز دي بتاخد فلوس كتيرة جداً وأنتِ مش عاملة حسابك عليها..

علشان كده إحنا النهارده هنعرف مع بعض إزاي ممكن إنك تحققي كل ده وأنتِ قاعدة في البيت من غير ما تروحي أي مركز من مراكز التجميل وتدفعي فلوس كتير...تعالي نشوف إزاي؟!

حمام البخار لبشرة الوجه

حمام البخار من الحمامات المعروفة جداً لبشرة الوجه، وفايدته إنه بيساعد على تنشيط الدورة الدموية في البشرة، وبيفتّح المسام وبكده تقدري إنك تتخلصي من أكبر قدر ممكن من الإفرازات الدهنية والرءوس السوداء اللي ممكن إنها تكون موجودة على وجهك..

وكل اللي هتحتاجي له:

1- شيح "من عند العطار".
2- مياه.
3- فوطة كبيرة.

الخطوات:

1- سيبي الشيح يغلي في حلة متوسطة الحجم.

2- بعد ما تتأكدي إن المياه وصلت لمرحلة الغليان حطي الفوطة على رأسك وافرديها كويس وشيلي "الحَلّة" من على النار وقربي وجهك من "الحلة" علشان وجهك يلاقي البخار اللي طالع من "الحلة".

3- سيبي البخار يتسرب لبشرتك لمدة 10 دقائق، ولو حسيتِ إن بشرتك تعبت من البخار ممكن إنك تريحي شوية وبعد كده ترجعي تاني تكملي.

4- بعد مرور الـ10 دقائق امسحي بشرتك بإسفنجة ناعمة مبلولة بميّه ساقعة.

حمام الثلج لبشرة الوجه

لو كنتِ بتعاني من وجود سواد جامد جدا في المنطقة اللي تحت العين يبقى عليكِ وعلى حمام التلج، وعلى فكرة حمام التلج منعش جداً للبشرة.

كل اللي هتحتاجي إليه:

قطعة تلج متوسطة الحجم.

الطريقة:

دي مفيش أبسط منها كل اللي هتعمليه إنك تمسكي بقطعة التلج وتمرريها على وجهك في حركات دائرية سريعة، طبعاً في البداية هتحسي إنك مش طايقة قطعة التلج بس بعد شوية هتلاقي نفسك مستمتعة جداً، استمري لغاية ما التلجة تدوب وأول ما تخلصي هتلاقي وشك بقى لونه وردي وهتحسي إنه منتعش جداً.

الحمام المغربي والدلكة لبشرة الجسم

ده أول حمام مفروض إن العروسة تعمله قبل فرحها بيوم على الأقل، وفايدته إنه بيزيل الخلايا الميتة من الجسم، وبيفتّح مسام البشرة وبالتالي بيساعدها على التخلص من الحبوب والدهون، وبكده تلاقي بشرتك في منتهى النعومة والرقة.. بس أهم حاجة لازم تاخدي بالك منها هي إنك قبل الحمام ده تكوني أكلتِ كويس جداً؛ وده لأن الجسم بيفقد سوائل كتيرة؛ بسبب البخار والحرارة العالية وبكده ممكن تصابي بالهبوط، ولو حسيتِ في أي لحظة إنك دايخة أو مخنوقة يبقى روحي بسرعة وافتحي أي منفذ هوا.

وكل اللي هتحتاجي إليه:

1- ماء ساخن جداً.
2- ليفة مغربي خشنة "هتلاقيها في الصيدليات الكبيرة".
3- صابونة مغربي "هتلاقيها في الصيدليات الكبيرة".
4- دلكة سوداني "من عند العطار".

الطريقة:

1- اقفلي أي منفذ للهواء في الحمام "الشباك والباب".

2- جيبي طبق وامليه ميه سخنة جداً وحطي فيه اللوفة المغربي.

3- افتحي الميه السخنة في البانيو على الآخر لغاية ما يبقى فيه بخار جامد في الحمام، وبعدين سدي البانيو واملي نصه من الميه السخنة.

4- اقعدي في البانيو لمدة نص ساعة علشان جسمك يتعرض لأكبر قدر من البخار.

5- هاتي الصابون المغربي وابدئي في فركه بالراحة على جسمك، وده علشان بشرتك ما يحصلش لها التهاب واوعي تجيبي الصابون على عينيكِ.

6- سيبي الصابون على جسمك لمدة 10 دقائق.

7- اشطفي جسمك بالميه السخنة وبعدين حطي كمية تانية من الصابون بنفس الطريقة السابقة وسيبيه برضه لمدة 10 دقائق.

8- ممكن تستفيدي بالفترة دي في تنظيف الكعبين بالحجر الخاص بالقدمين "هتلاقيه عند العطار".

9- بعد مرور 10 دقائق اشطفي جسمك من الصابون بالميه السخنة.

10- امسكي اللوفة المغربي وابدئي في دعك جسمك ماعدا منطقة الوجه بشكل دائري، أثناء دعك جسمك هتلاقي إن الخلايا الميتة في الجسم بتتشال وبتقع على الأرض بمنتهى السهولة.

11- اشطفي جسمك كويس بالميه السخنة، واوعي تسمعي كلام أي حد يقول لك إنك تستخدمي عطور أو أي مستحضرات تجميل أو كريمات في الحمام المغربي؛ لأن كل الحاجات دي فيها مواد كيميائية ممكن إنها تضر بشرتك.

12- ممكن إنك تعملي سويت لجسمك بعد ما تخلصي الحمام المغربي.

13- هاتي الدلكة السوداني "هتلاقيها عند العطار" وابدئي في فرك جسمك كله بيها، والدلكة دي عبارة عن عجينة من مكونات عطرية وأعشاب وأخشاب ثمينة، كخشب الصندل وبعض أنواع الفواكه مثل مهروس قشر البرتقال أو الليمون، بالإضافة إلى مسحوق الذرة والترمس، تُمزج هذه المكوّنات مع زيت السمسم أو زيت الزيتون؛ للحصول على عجينة شبيهة بالصلصال يغطى بها كل الجسم، وعلى فكرة الدلكة دي مهمة جداً؛ لأنها بتكسب الجسم لمعان ولون وردي.

14- سيبي الدلكة على جسمك لمدة ربع ساعة وبعد كده اشطفي جسمك بالماء الفاتر المضاف إليه ماء الورد.

وبكده تكوني حققتي كل اللي نِفسك فيه، وكمان وفرتي فلوسك..وألف مبروك..

فوائد الفازلين الرهيبه

مرطب لكامل الجسم:





إستفيدي من خبرة نجوم هوليوود بإستعمالك قليلاً من كريم فازلين على كامل جسمك بعد الحمام لتحصلي على بشرة ناعمة لطيفة.اغسلي وجهك وبينما هو مبلول ادهنيه بكمية صغيرة من الفازلين واصلي دهن وجهك حتى يتشربه ولا يبدو وجهك دهنيا (تستمعل المنتجعات العلاجية هذا العلاج السري).2-

حول العيون:

إستعملي فازلين لتنظيف الجزء الحساس من البشرة المحيطة بعينيك بنعومة وسرعة.

3- لرموش أطول:
قليل من الفازلين على رموشك في الليل ينعمها ويمنع تقصفها.

4- مطيل لعمر العطر:
ضعي طبقة رقيقة من الفازلين قبل أن تضعي عطرك المفضل فتطيل عمر أريجك وتحمي بشرتك من الجفاف.

5- شفاه مشرقة:
الفازلين يضفي عليها بريقاً خاصاً.

6- للأقدام:
الفازلين تساعد على تطرية الأعقاب والمناطق الجافة في القدم.



7- إستعمليه لإزالة الماكياج.

8- إستعملي الفازلين لتنعيم اليدين.


9- مساج للوجه على البخار:
من أجل الحصول على وجه نظيف ناعم بسرعة وفعالية.. دلكي وجهك بالفازلين ثم ضعي وجهك فوق وعاء فيه ماء متبخرة بعد تغطية وجهك والوعاء بمنشفة وبعد بضع دقائق نظفي وجهك من الفازلين.

10- بعد إزالة الشعر:
بعد إزالة الشعر تصبح البشرة موجعة ومصدر إزعاج.. ضعي فازلين عليها فترتاحي وتحولي دون إلتهابها.

فوائد الفازلين المتبقية:
-
لو كنتي تعاني من أكواع جافة دلكيها بشوية فازلين في الليل ورح تصير ناعمة وااااايد.

- عشان تمنعي أعقاب قدميك من التقرح والآلام عند المشي إدهنيها بالفازلين.

- عشان يدخل الحلق في أذنك بسهولة ونعومة ضعي فازلين على ثقب الأذن.

- ضعي قليلاً من الفازلين على حاجبيك وبعدين إمسحيهما بواسطة فرشاة أسنان نظيفة..هالعملية بتسوي الحواجب حلوة ومرتبة وعشان ما تخرب..

- دلكي أظافرك بالفازلين ليلاً لو كانت بسرعة تنكسر أو مقصفة فالفازلين يقويها.
- ضعي الفازلبن على عيونك في الليل عشان تأخر التجاعيد والخطوط.
- قبل وضع صبغة الشعر أو كريم الفرد ضعي القليل من الفازلين على فروة الرأس عشان ما تسببلك المواد الكيميائية الموجودة فيها أي تهيج في الفروة..
- لتعالجي الحروق البسيطة ضعي فازلين عليها طبعاً بعد غسل مكان الحرق بالماء البارد..
- الفازلين يضفي على البشرة النعومة والرطوبة.
.وخاصة عند التهاب الحفاضات لطفلك
له مفعول عزل ومعالجة

معالجة الحروق لا يترك اثرا للحرق



(Oo وهذي فوائد عامه للفازلين oO)

إزالة العلك من الشعر: ضعي الفازلين على الشعر وملسيه عليه حتى تنزلق العلكة

ـ تشحيم عجلات حذاء التزلج:
ضع طبقة من الفازلين على اسطوانات العجلات حتى تنزلق بسرعة.

ـ إزالة خاتم عالق بإصبع:
غطي الإصبع بالفازلين وحاولي سحب الخاتم.

ـ تجنب صدأ الالأت المستعملة في خارج المنزل:
ضع عليها طبقة غنية من الفازلين.

ـ تجنب وصول الطلاء إلى النوافذ والأرضيات وغيرها:

قبل طلائك لغرفة ما قم بتغميس فرشاة في فازلين ومن ثم مررها على حواف الزجاج, مفاصل الأبواب, مقابض الأبواب, المزلاج. وضع طبقة خفيفة من الفازلين على الأرض الملاصقة للحائط (طبعا ليس على السجادة).

ـ حتى يسهل فتح غطاء طلاء الأظافر:
ضعي طبقة رقيقة من الفازلين على حافة الزجاجة.

ـ كي تنزلق ستارة الحمام بسهولة:
تستمعل طبقة رقيقة من الفازلين على عمود الستارة.


إزالة احمر الشفاه من فوط الطعام:
ضعي الفازلين عليها قبل الغسل.


ـ لمنع حوامل الثلاجة من الالتصاق:
غطي حواف الحوامل بالفازلين حتى تنزلق الثلاجة بسهولة.


ـ لمنع دخول الشامبو في عيني طفلك:
وذلك بوضع خط من الفازلين فوق حواجب طفلك فينحدر الماء من الجانبين.


ـ لتلميع الأحذية الجلدية:


افركي الحذاء بالفازلين وتخلصي من الزائد منه بالفوطة

اكسسوارات من الخزف

حقائب lv أنوثة كلاسيكية

عرضت بيوت أزياء لويس فيتون الفرنسية عن مجموعتها الجديدة لحقائب خريف وشتاء 2009 - 2010 التى اتسمت بالتميز بالرغم من أن الخامات المستخدمة من نوعية قماش واحد محفور عليه LV إلى أن تميزت بابتكاراتها المتنوعة حيث ظهر منها الكلاسيكي لتبدو أكثر أنوثة من مجموعاته السابقة ، وينصحك خبراء الموضة بألا يفوتك اقتناء قطعة من LV لهذا العام



وإليكِ مجموعة دار أزياء لويس فيتون LV لخريف وشتاء 2009 -2010 الغنية بظلال الخريف والألوان الهادئة التى ظهرت مع الحقائب المكشكشة بكوكتيل الذهبي بشكل لافت للانتباه.



















كما تناسب تصميمات لويس فيتون جميع الأعمار والأذواق لتزيد استايل المرأة جمالاً ، وتظل موضة الحقائب الكبيرة هى الأكثر شيوعاً فى الأعوام الماضية حيث تناسب المرأة العملية ، والمدقق فى حقائب LV سيجدها أنها تتميز بالأحزمة القوية والمتينة ، كما تعد الحقائب ذات الألوان الداكنة من أحدث خطوط الموضة ،وخاصة البني والأسود يليها الذهبي والبيج.


ويؤكد خبراء أن الحقائب الكبيرة مازالت تحتل الصدارة ، بالإضافة إلى الحقائب الشبابية الصغيرة التي تستخدم لمناسبات معينة ، وأكثر ألوان الصيف رواجاً لهذا الموسم هو اللون الأسود واللون البني ، ويتربع اللون الأسود بكل موسم لأنه لا يتقيد بموضة معينة.








































































وهنالك حقائب يكون استخدامها عملياً لكل يوم وفي أوقات النهار وتكون أحجامها اكبر من أحجام الحقائب التي تستخدم لمناسبات رسمية ، وان الألوان الدارجة أيضاً للحقائب اللون الذهبي مدموجاً باللون الأسود في حقيبة واحدة

حملى أسطوانه تضم 15 فيديو لتعليم لفات الحجاب هديه من موقع محجبات

منتج ميني محجبات هدية من موقع محجبات و المنتج عبارة عن
اسطوانتين


تضم 15 فيديو لتعليم لفات الحجاب مقسمه الي


الاسطوانه الاولى : كل ما ترغبي في معرفته عن كيفية اختيار طريقة
لفات الحجاب اللتي تناسبك , كيفية اختيار الالوان و الاقمشه التي تتماشى
مع شكل وجهك و بشرتك



الاسطوانه الثانيه : يوجد عليها احلى 15 طريقه لعمل لفات الحجاب
مصوره فيديو خطوه بخطوه



عشان تحملي الملفات من الموقع اللي انا رفعت عليه الملفات لازم بس تسجلي و

التسجيل مجانا من هنا


بعد التسجيل



اضغطي هنا لتحميل الاسطوانه الاولى بمساحة 46.8 ميجا


اضغطى هنا لتحميل الاسطوانه الثانيه بمساحة 641.8 ميجا

جمالك مع نانيس-أزاى تتعملى مع الماسكار

طبعا مافيش بنت ممكن إنها تستغنى عن الماسكرا لأن الماسكرا بتدي للرموش كثافة، وبتخليكِ تحسي إن رموشك طويلة، وبتظهر أهمية الماسكرا عند البنات اللي بتعاني من إن رموشها خفيفة أو قصيرة، دي فوايد الماسكرا.

وللماسكرا أنواع متخلفة، وكل نوع من الأنواع له تأثير مختلف على الرموش فمثلا يوجد..

• النوع اللي بيستخدم لرفع الرموش وتطويلها.
• النوع اللي بيستخدم في تكثيف الرموش وتفريقها عن بعض.

والاختيار في النهاية بيرجع ليكي على حسب شكل رموشك، والنتيجة اللي إنتي عايزاها

إزاي تستعمليها؟!

طريقة استعمال الماسكرا سهلة جداً ولكن لازم تستخدميها بشكل عمودي؛ عشان تفرقي بيها الرموش عن بعضها، وبتبدأي من الجذور لفوق، وكمان بتبدأي من الزاوية الداخلية للعين ثم المنتصف ثم آخر العين، ودي هي الطريقة السليمة لتكثيف الرموش وإطالتها.

وخدي بالك من شوية الحاجات دي وإنت بتستعملي الماسكرا:

• إن لو كانت عينيك ضيقة يبقى حطي الماسكرا على الرموش السفلية؛ وده علشان تدي شكل أوسع لعينيكي.

• إن لو عينيكي واسعة يبقى اكتفي بإنك تحطي الماسكرا على الرموش العلوية فقط.

• لو حسيتي إنك محتاجة تدي لرموشك طبقة تانية لازم تستني شوية لغاية ما الطبقة الأولى تنشف وبعد كده تحطي الطبقة التانية من الماسكرا؛ عشان تدي تُقل وكثافة أكثر، وتركزي على المنطقة الداخلية والخارجية للرموش.

• لو لقيتي رموشك مع الماسكرا التصقت ببعضها حاولي تفرقيهم عن بعض بفرشاة أسنان قديمة أو فرشاة ماسكرا تكوني مش بتستعمليها.

الرموش الصناعية.. للمناسبات

أما بقى لو عندك سهرة أو مناسبة أو لو كنتي عروسة فأنصحك إنك تركبي رموش صناعية وفيه شكلين للرموش الصناعية..

الشكل الأول

اللي بيتركب واحدة واحدة باستعمال الملقاط.

الشكل التاني

وده بيكون قطعة واحدة وبيكون شكلها طبيعي بس لازم حد متخصص هو اللي يركبها لك

بوتات تحفة باللون البنى...2010